童話一則 |
| 撰文：城仔 |
今次同大家講個故事，是關於「祖國文化中心」的由來。 事先聲明，如有雷同，實屬不幸！ 話說好耐之前，有一間「鄉村小學」，個校長姓張，人人 叫佢張校長。 有一日，張校長同班學生傾計。傾傾下，唔知點解，張校 長突然間詩興大發，即興吟左首詩。班學生面面相覷，一 來唔知發生乜野事，點解張校長突然詩興大發，二來成班 都冇人知佢吟Ｄ乜野。張校長見大家一臉茫然，好似唔知 佢講乜咁。於是佢問大家係唔係聽唔清楚佢既鄉下口音。 一問之下，原來全班冇人聽過呢首詩，冇人知邊個寫呢首 詩，唔知個詩人生活既年代正值「安史之亂」，更加冇人 知道首詩入面提到兩個地方的地理位置。 張校長知道後覺得十二分痛心疾首。佢自己飲過咸水至番 黎，都熱愛祖國，對祖國文化歷史瞭如指掌。點解班土生 土長既細路對祖國文化毫無認識？ 雖然話班學生入讀呢間小學之前要考過一個關於祖國文化 既公開試，仲要合格至可以。但係似乎對班學生認識祖國 文化、歷史、藝術各方面都冇幫助。 「唉......真令人失望。」張校長心道。突然間，「叮」 的一聲，張校長頭上的燈泡亮著了。「唔......開辦一個 『祖國文化中心』，每個學生都要修讀，加強每個學生對 祖國文化各方面的認識......」張校長的嘴角泛著笑意。 「好，就這麼辦......」 之後發生既事大家都知道，都唔駛我講勒。 城仔都是道聽塗說，孰真孰假就不得而知了。 |
